Диданд: 596

     Бахшида ба 26-умин солгарди рӯзи Ваҳдати миллӣ рӯзҳои 20, 22, 23 –юми июни соли ҷорӣ дар толори шуъбаи маориф, ҷамоати деҳоти Тавилдара ва мақомоти иҷроияи ҳокимияти давлатии ноҳия  конфронсҳои илмӣ – сиёсӣ дар мавзӯъҳои  “Ваҳдати миллӣ ва саҳми он дар таърихи давлатдории мо”, “ Саҳми Пешвои миллат дар таҳкими сулҳу ваҳдат дар Тоҷикистон”, Пешрафту гулгулшукуфоии Тоҷикистон – самараи Ваҳдати миллӣ” баргузор гардиданд, ки дар ин ҷамъомадҳо муҳассилин, омӯзгорон, кормандони ташкилоту муассисаҳо, кормандони КИ ҲХДТ ва мақомоти иҷроияи ҳокимияти давлатии ноҳия ширкат варзида, аз таърихи ин Рӯзи муқаддас ва ҷаҳду талошҳои сарвари кишвар баҳри ба даст овардани истиқрори сулҳу ваҳдат ва ризоияти миллӣ дар кишвар маърӯзаҳои пурмуҳтавои музокиракунандагони ин конфросҳоро шуниданд.

     Конфронсҳои илмӣ – сиёсӣ дар рӯҳияи худшиносӣ ва ҳуввияти миллӣ гузаронида шуданд, ки иштирокчиёни ин конфронсҳо як ҷаҳон маънӣ гирифта, шукри Истиқлолу Ваҳдати ватанро намуда,  худро шаҳрвандони хушбахти як мамлакати ободу зебо медонистанду ифтихор аз ин сулҳу ваҳдат ва Пешвои муааззаму хирдманди кишвар мекарданд.

Диданд: 530

   Тибқи нақшаи кории Шӯрои ҷамъиятии Ҷумҳурии Тоҷикистон барои соли 2023, ки аз ҷониби Раиси Шӯрои ҷамъиятии Ҷумҳурии Тоҷикистон Эмомалӣ Раҳмон тасдиқ гардида буд, ҷаласаи сайёри Шӯрои ҷамъиятии Ҷумҳурии Тоҷикистон рӯзи 20.06.2023 дар ноҳияи Сангвор дар толори мақомоти иҷроияи ҳокимияти давлатии ноҳия баргузор гардид. Дар кори Шӯро аъзоёни Шӯрои ҷамъиятии Ҷумҳурии Тоҷикистон ва панҷ ноҳияи минтақаи Рашт (Сангвор, Нуробод, Рашт, Тоҷикобод ва Лахш) ширкат варзида, дар мавзӯи “Нақши занону бонувон дар ташкили ҳаёти сиёсию ҷамъиятии Тоҷикистон” андешаронӣ намуданд.

  Аз ҷумла, дар ҷаласаи сайёри Шӯрои ҷамъиятии Ҷумҳурии Тоҷикистон шахсиятҳои зерин: Азиззода Шуҳрат – мушовири бахши ёрдамчии Президенти Ҷумҳурии Тоҷикистон, Маҳмадизода Нозим – котиби ҳамоҳангсози Шӯрои ҷамъиятӣ,Ғаффорзода Нигорахон – муовини якуми Кумитаи занон ва оилаи назди Ҳукумати Ҷумҳурии Тоҷикистон,Чоршанбезода Сураҷ – муовини раиси Кумитаи кор бо ҷавонон ва варзиши назди Ҳукумати ҷумҳурии Тоҷикистон, Олимзода Абдулло Назрӣ – муовини раиси ноҳияи Сангвор, Муродов Бахтиёр – муовини раиси ноҳияи Рашт , Додарзода Оятулло – муовини раиси ноҳияи  Нуробод, Мансурзода Қодирҷон – муовини раиси ноҳияи Тоҷикобод, Шербекзода Шоҳимардон – муовини раиси ноҳияи Лахш ва аъзоёни Шӯрои ҷамъиятии ноҳияҳои Сангвор, Нуробод, Рашт, Тоҷикобод ва Лахш иштирок намуданд.

   Ҷаласаи сайёри Шӯрои ҷамъиятии Ҷумҳурии Тоҷикистон  дар ноҳияи Сангвор дар рӯҳияи ватандорию хештаншиносӣ ва мақом ва нақши зан дар ташкили ҳаёти сиёсию ҷамъиятӣ корашро ба анҷом расонид.

       

Диданд: 509

    Пас аз гузаронидани чорабиниҳои гуногун дар доираи силсилачорабиниҳои “Моҳвораи ҷавонон” рӯзи 23 май дар толори Қасри фарҳанг барномаи фарҳангӣ  таҳти унвони  “Ҳоло ки ман ҷавонам” баргузор гардид.Чорабинии мазкур соати 10:00 оғоз ёфт, ки онро бо суханони ифтитоҳи барандаи ин чорабинӣ Бахтиёр Фақиров кушода, сухани табрикиро ба раиси ноҳия  Давлатзода Маҳмадшоҳ  Ғайрат дод. Мавсуф баромад намуда,  кулли ҷавонон ва дар симои онҳо тамоми мардуми шарифи ноҳияро ба Рӯзи ҷавонон табрику таҳният гуфт. Пас аз суханони пурмуҳтавои раиси ноҳия мудири бахши кор бо ҷавонон ва варзиш Тўйчии Нурмаҳмад баромад намуда, ҷавононро ба ин рӯзи муборак табрику муборакбод намуда, бархе аз ҷавонони муваффақро(гирандагони идрорҳои президентӣ, раиси ноҳия ва дигар ҷавонони лаёқатманду ташаббускор) дар ҳузури раиси ноҳия, бо Ифтихорномаю туҳфаҳои молӣ сарфароз гардонид.

      Раиси ноҳия дар анҷом  ба чунин ҷавонони созандаю ифтихори миллат аҳсан гуфта, ба онҳо дар шоҳроҳи зиндагияшон муваффақиятҳо таманно намуд.

Диданд: 496

    Бахши кор бо ҷавонон ва варзиш дар якҷоягӣ бо ихтиёриён – аъзоёни маҳфили “Пайравони Пешвои миллат” тибқи нақша - чорабинии бахш дар доираи “Моҳвораи ҷавонон” таҳти унвони “Ҷавонон узви як оилаанд” аз Маркази будубоши “Меҳр”, ки аксарияти ҷавонони имконияташон маҳдуд  дар ин марказ фаро гирифта шудаанд, рӯзи 19 –уми май дидан намуда, бо онҳо аз наздик суҳбату вохӯрӣ гузарониданд. Ҳамзамон аз шароити зисту зиндангии эшон дар ин марказ аз наздик ошно гаштанд. Дар фарҷоми вохӯрӣ ихтиёриён туҳфаҳои таъсиснамудаи бахши кор бо ҷавонон ва варзишро ба ин ҷавонони имконияташон маҳдуд тақдим намуда, бо ин иқдом ба онҳо таъкид намуданд, ки ҷавонон новобаста ба имконияташон узви як оилаанд ва онҳо ҳеҷ гоҳ танҳо нестанд ва узви ҷомеа хоҳанд монд.

  1. МАҲФИЛҲОИ РАССОМӢ ВА КИТОБХОНӢ ДАР БАЙНИ ҶАВОНОН
  2. ҲУНАР ОМӮЗ, К-АЗ ҲУНАРМАНДӢ....
  3. ХОНИШҲОИ СИЁСӢ ДАР БАЙНИ ҶАВОНОН ТАҲТИ УНВОНИ “ҶАВОНОН, ПАЁМ ВА МАНФИАТҲОИ МИЛЛӢ”
  4. ҲАШАРУ ШАНБЕГИҲО БАҲРИ ОБОДОНИЮ ПЕШРАФТ