- Диданд: 1021
Ҳозирини гиромӣ!
Сарчашмаҳои таърихӣ гувоҳӣ медиҳанд, ки дар радифи ҷашнҳои Наврӯз ва Меҳргон Сада таърихи чандҳазорсола дорад.Ҷашни Сада яке аз бузургтарин суннатҳои волои мардумони ориёитабор маҳсуб мешавад. Пайдоиш ва решаи иҷтимоии ин ҷашн бештар ба корҳои кишоварзӣ, бо рӯзгори қадимаи ин мардумон пайванди ногусастанӣ дорад. Тибқи иттилои Муҳаммади Наршахӣ, Абулқосими Фирдавсӣ, Абӯрайҳони Берунӣ, Байҳақӣ ва дигарон аз қадимулайём ҷашни Сада дар даҳумин рӯзи моҳи баҳмани солшумории хуршедӣ яъне панҷоҳ шабу панҷоҳ рӯз пеш аз ҷашни Наврӯз
Таҷлил мегардидааст, ки тибқи тақвими мелодӣ баргузории он ба рӯзҳои охири моҳи январ баробар аст. Аз рӯи иттилои солшуморҳо Сада ба муносибати аз хонаи зимистонааш убур намудани хуршед ва ба баҳор майл кардани он ҷашн гирифта мешавад, ки ин ҳолати табиат дар натиҷаи баробар шудани шабу рӯзи зимистонӣ ба амал меояд. Бо амри Президенти Ҷумҳурии Тоҷикистон аз 13 декабри соли 2018 №АП-1140 ҷадвали баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои солҳои 2019-2021 тасдиқ шудааст, ки тибқи ин ҷадвал иди Сада ва намоиши тухмии зироатҳои кишоварзӣ ба нимаи дуюми моҳи январ рост меояд. Бояд тазаккур дод, ки Сада вожаи форси-тоҷикӣ аст.
Сада то ҳамлаи муғул ва ба сари қудрат омадани шоҳони бегонанажод дар дарбор ва байни халқ чун ҷашнҳои Наврӯзу Меҳргон бо анъаноти деринаи ориёӣ таҷлил мегардид. Сада то ҳол дар байни зардуштиёни Ҳинду Эрон баргузор мегардад. Мардумони Варорӯд онро бо номҳои дигар, чун ҷашни «Ҳут», «Чаҳоршанбеи охирон», «Чаҳоршанбеи сурӣ» ва «Оташаффрӯз» таҷлил менамоянд. Тоҷикон ҳеҷ гоҳ ба оташ беэътиноӣ намекунанд. Нур ва оташ яке аз муқаддасоти мардумони ориёӣ аст. Фаро расидани ҷашни Сада басо рамзӣ буда, ҳамчун иди кишоварзон ба ҳукми анъана даромадани таҷлили расмии ҷашнвораи мазкур далели он аст, ки миллати кӯҳанбунёди мо дар партави сиёсати Асосгузори сулҳу Ваҳдати миллӣ, Пешвои миллат, Президенти мамлакат, муҳтарам Эмомалӣ Раҳмон ба арзишҳои гузаштаи фарҳангии хеш рӯ овардааст ва эҳёи онҳоро вазифаи бошарафи худ медонад. Ҳамин тавр ҷашни Сада муждадиҳандаи Наврӯз арзёби гардидааст.
Дар ин бора дар осори шоирони мутақаддим ишораҳои зиёде рафтааст. Боиси хурсандист, ки кишоварзони ноҳия мо имсол низ ҷашни расмии Садаро бо дастовардҳои ҷолиби меҳнатӣ пешвоз мегиранд. Деҳқонон дар ин айём тайёрии кишту корро мебинанд.
Ҳозирини гиромӣ!
Шумо ва кулли сокинони ноҳияро ба ҷашни Сада табрику муборакбод гуфта, бароятон барору комёбиҳо таманно дорам.
Саломату сарбаланд бошед!
- Диданд: 957
Инак, Соли нави мелодии 2020 фаро расида истодааст. Соли 2019 бо ҳама бурду бохт моро падруд мегӯяд. Акнун соли нави меомадаистодаро мо бо хурсандиву дилгармӣ ва неруи тоза истиқбол мегирем. Бо истифода аз фурсат ҳамаи Шуморо ба муносибати фаро расидани Соли нави мелодии 2020 самимона табрику муборакбод намуда, бароятон тансиҳатию хонаободӣ, рӯзгори осудаву зиндагии пурфайз ва тамоми хушиҳои зиндагиро таманно мекунам. Соли кӯҳан дар бисёр соҳаҳои ҳаёти ҷомеа дигаргуниҳои ҷиддӣ ба амал омаданд.
Иқтидори истеҳсолии мамлакат нисбат ба соли гузашта афзоиш ёфта, самараи иқтисодиёти миллӣ зиёд гардид ва нишондиҳандаи сифатии он беҳтар шуданд. Дар давоми ин сол мардуми тоҷик зери парчами Ваҳдати миллӣ дар аксари соҳаҳои иқтисодиву иҷтимоӣ ба пешравиҳои тоза ноил гашта, аз ҷумла кушодашавии чархи дуюми НБО-и «Роғун» дар замири мардуми эҳсоси худшиносиву ватандӯстӣ ва рӯҳияи созандагию хушбинӣ ба ояндаи нек густариши бештар пайдо кард.
Соле, ки сипарӣ шуд, барои сокинони ноҳияи мо соли бобарору пур аз комёбиҳо буд ва хушиҳои зиёде ба бор овард. Дар соли 2019 сафари кори Пешвои муаззами миллат ба ноҳия ва кушодашавии якчанд иншоотҳои замонавӣ ҳусни ноҳияро зиннат бахшиданд.
Аз ғамхориҳо ва дастуру ҳидоятҳои доимии Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мардуми ноҳия рӯҳу илҳоми тоза гирифта, барои рушду нумӯи диёри хеш ва Тоҷикистони соҳибистиқлол азму талошҳои зиёде намуда, ба бисёр комёбиҳои назаррас муваффақ гардиданд.[....]
- Диданд: 1007
26-12-2019
Муҳтарам аъзои Маҷлиси миллӣ ва вакилони Маҷлиси намояндагон!
Ҳамватанони азиз!
Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд.
дар ҳафт соли охир рушди иқтисодиёти кишвар ҳамасола ба ҳисоби миёна дар сатҳи 7 фоиз таъмин гардида, маҷмӯи маҳсулоти дохилӣ аз 45,6 миллиард сомонӣ ба 78 миллиард афзоиш ёфт. Дар ин давра ҳаҷми умумии даромади буҷет қариб ду баробар афзуда, аз 12 миллиард сомонии соли 2013 ба 23 миллиард сомонӣ баробар шуд. Тайи солҳои зикршуда даромади пулии аҳолӣ беш аз ду баробар ва музди меҳнати миёнаи як корманд 2,4 баробар афзоиш пайдо кард.Бақияи пасандозҳо дар низоми бонкии кишвар соли 2019 беш аз 9,5 миллиард сомониро ташкил карда, дар ҳафт соли охир 45 фоиз зиёд гардид. Сатҳи камбизоатӣ ба 27,5 фоиз паст шуда, дарозумрии миёнаи шаҳрвандон то 75 сол боло рафт. Ҳамзамон бо ин, тибқи таҳлилҳо дар замони соҳибистиқлолӣ нишондиҳандаи умумии фавт қариб ду баробар, аз ҷумла фавти кӯдакони синни то панҷсола 3,2 баробар кам шудааст. Дар ин давра аҳолии Тоҷикистон аз панҷуним миллион қариб ба 9,5 миллион нафар расида, беш аз 70 фоиз афзудааст.[...]
Саҳифаи 28 аз 34
 |
 |
 |
 |
 |
 |
.JPG)
.jpg)
1USD
1EUR
1RUB