- Диданд: 31
Бонувони Сангвор чун кӯҳҳои сарбафалаккашидаи диёр, устувор, қавиирода ва пурифтихор, барои ҳифзи Истиқлол ва Ватани хеш ҳамеша омода буда, дар остонаи таҷлили 35-умин солгарди Истиқлоли давлатӣ либоси низомӣ ба бар карда, барои ҳифзи Ватан, арҷгузорӣ ба муқаддасоти миллӣ омодагии худро нишон медиҳанд.
Онҳо бо қадамҳои устувор ва қалбҳои саршор аз меҳри Ватан дар саф меистанд, то ба насли ҷавон намунаи ватандӯстиву худшиносии миллӣ бошанд.
Бонувони Сангвор бо пӯшидани либоси низомӣ ва омодагӣ ба паради идона нишон медиҳанд, ки муҳаббат ба Ватан ҷинс намешиносад ва ҳифзи дастовардҳои истиқлол масъулияти ҳар як шаҳрванди бедордил аст.
Қадамҳои устувори онҳо дар саф, қадамҳои ифтихори миллӣ, садоқат ба Ватан ва эҳтиром ба Истиқлол мебошанд.
- Диданд: 26
Истиқлол рамзи озодӣ, соҳибихтиёрӣ ва ҳастии миллат, кафили сулҳу субот ва заминаи рушди Тоҷикистони соҳибистиқлол мебошад. Маҳз ба шарофати Истиқлол парчами давлатии Тоҷикистон дар арсаи байналмилалӣ парафшон буда, садои истиқлолхоҳӣ ва ватандӯстии миллати тоҷик баланд садо медиҳад.
Ба истиқболи ҷашни бузургу муқаддаси миллӣ, 35-солагии Истиқлоли давлатии Ҷумҳурии Тоҷикистон дар ноҳияи Сангвор роҳпаймоии осоишта ва бошукӯҳи сокинон бори дигар низ баргузор гардид.
Дар ин чорабинии идона сокинону кормандони ташкилоту муассисаҳо, омӯзгорону хонандагон, ҷавонон ва намояндагони қишрҳои гуногуни ҷомеа бо ҳисси баланди ватандӯстӣ ва ифтихори миллӣ иштирок намуданд.
Иштирокдорони роҳпаймоӣ бо парчамҳои давлатӣ, шиору овезаҳои ватандӯстона ва рамзҳои ҷашнӣ фазои идонаро боз ҳам рангоранг намуда, муҳаббату садоқати хешро ба Ватан ва давлату миллат ифода карданд.
- Диданд: 53
Н. Сангвор, 25 августи соли 2026.
Дар доираи сафари корӣ ба ноҳияи Сангвор Раиси Маҷлиси намояндагони Маҷлиси Олии Ҷумҳурии Тоҷикистон Идизода Файзалӣ Фузайлшо бо сокинони Ҷамоати деҳоти Чилдара ва Ҷамоати деҳоти Тавилдара вохӯрӣ анҷом дод.
Зимни вохӯрӣ масъалаҳои муҳими сиёсиву иҷтимоӣ, аз ҷумла омодагӣ ба таҷлили 35-солагии Истиқлоли давлатии Ҷумҳурии Тоҷикистон, таҳкими ҳисси ватандӯстиву ватанпарастӣ, худшиносиву худогоҳии миллӣ, арҷгузорӣ ба арзишҳои таърихию фарҳангӣ, шинохти фарҳангу тамаддуни миллӣ ва баланд бардоштани ҳушёриву зиракии сиёсии ҷавонон мавриди баррасӣ қарор гирифтанд.
Таъкид гардид, ки Истиқлоли давлатӣ дастоварди бузурги мардуми Тоҷикистон буда, ҳифзи сулҳу субот, ваҳдати миллӣ ва дастовардҳои даврони соҳибистиқлолӣ вазифаи ҳар як шаҳрванди кишвар мебошад.
- Диданд: 43
Ё иддае аз омузгорон ба тарбия ниёз доранд?!
Имрӯз масъалаи фаросат, дониш ва ахлоқи омӯзгор дар назди ҷомеа аҳамияти махсус пайдо кардааст. Зеро омӯзгор танҳо шахсе нест, ки ба хонанда дарси фаннӣ медиҳад. Ӯ дар баробари таълим, масъулияти бузурги тарбияи насли наврасро низ бар дӯш дорад. Сухан, рафтор, муносибат ва ҳатто тарзи муоширати омӯзгор метавонад ба ҷаҳонбинӣ ва рафтори хонанда таъсири амиқ расонад. Аз ин рӯ, аз омӯзгор дар баробари дониши баланд, фарҳанги муошират, сабру таҳаммул, инсондӯстӣ ва ахлоқи ҳамида низ талаб карда мешавад.
Ҳар замон аз гӯшае аз ҷомеа дар бораи рафтори нодурусти ин ё он омӯзгор хабар мерасад. Баъзан чунин ҳолатҳо дар шабакаҳои иҷтимоӣ ва расонаҳо низ паҳн мешаванд, ки омӯзгор ба хонанда дашном додааст, ӯро таҳқир кардааст ё ҳатто нисбат ба шогирд зӯроварӣ намудааст. Албатта, ҳар як чунин ҳолатро набояд ба тамоми омӯзгорон нисбат дод.
Саҳифаи 2 аз 47
 |
 |
 |
 |
 |
 |
.JPG)
1USD
1EUR
1RUB