- Диданд: 79
Имрӯз дар ноҳияи Сангвор бахшида ба Рӯзи ҷаҳонии футбол чорабинии бошукӯҳи идона бо иштироки роҳбарияти ноҳия, варзишгарон, собиқадорони соҳаи варзиш, ҷавонону наврасон ва дӯстдорони футбол баргузор гардид.
Дар оғози ҳамоиш Раиси ноҳияи Сангвор Давлатзода Маҳмадшоҳ Ғайрат суханронӣ намуда, тамоми варзишгарон, мураббиён ва дӯстдорони футболро ба муносибати Рӯзи ҷаҳонии футбол самимона табрик гуфт. Раиси ноҳия қайд намуд, ки рушди соҳаи варзиш, бахусус футбол дар Ҷумҳурии Тоҷикистон дар солҳои охир таваҷҷуҳи бештар пайдо карда, бо ташаббус ва дастгириҳои пайвастаи Раиси Маҷлиси миллии Маҷлиси Олии Ҷумҳурии Тоҷикистон, Президенти Федератсияи футболи Тоҷикистон муҳтарам Рустами Эмомалӣ ин намуди варзиш рушду нумӯи тоза касб намудааст.
Зикр гардид, ки маҳз тавассути дастгириҳои роҳбарияти олии мамлакат ва фароҳам гардидани шароити мусоид имрӯз футбол дар кишвар беш аз пеш миёни ҷавонон маҳбубият пайдо карда, барои омода намудани варзишгарони соҳибмаҳорат ва ҷалби наврасону ҷавонон ба тарзи ҳаёти солим заминаи мусоид муҳайё гардидааст.
Дар ноҳияи Сангвор низ ба рушди соҳаи варзиш, аз ҷумла футбол таваҷҷуҳи хосса зоҳир гардида, барои ҷавонону наврасон имкониятҳои мусоид фароҳам оварда мешаванд. Варзишгарони ноҳия пайваста дар мусобиқаҳои гуногуни ноҳиявӣ ва минтақавӣ иштирок намуда, барои муаррифии ноҳия саҳми арзанда мегузоранд.
Дар қисмати дигари чорабинӣ як қатор варзишгарони фаъол, мураббиён ва ҷавононе, ки дар рушди футбол ва пешбурди ҳаёти варзишии ноҳия саҳми арзанда гузоштаанд, бо Сипоснома ва Ифтихорномаи Раиси ноҳияи Сангвор сарфароз гардонида шуданд. Ҳамчунин ба онҳо туҳфаҳои хотиравӣ тақдим гардид.
Н. Алиева
- Диданд: 93
Дар асоси амри Президенти Ҷумҳурии Тоҷикистон ва бо мақсади татбиқи сиёсати давлатӣ дар самти рушди фарҳанги китобхонӣ, баланд бардоштани ҳисси ватандӯстӣ ва арҷгузорӣ ба мероси гаронбаҳои адабиёти классикии тоҷик, аз ҷумла шоҳасари безаволи Ҳаким Абулқосим Фирдавсӣ «Шоҳнома», дар тамоми шаҳру ноҳияҳои ҷумҳурӣ, аз ҷумла дар ноҳияи Сангвор, даври ноҳиявии озмуни «Шоҳномахонӣ» байни хонандагони муассисаҳои таҳсилоти миёнаи умумӣ баргузор гардид.
Дар ҷараёни баргузории озмун таъкид гардид, ки «Шоҳнома»-и Фирдавсӣ яке аз бузургтарин осори адабиёти ҷаҳон ба ҳисоб рафта, таърихи пурифтихори халқҳои ориёиро таҷассум намуда, дар тарбияи ҳисси ватандӯстӣ, адолатпарварӣ ва худшиносии миллӣ нақши бузург дорад. Ин асар ҳамчун сарчашмаи муҳими маънавӣ барои насли наврас хизмат намуда, онҳоро ба омӯзиши таърих ва фарҳанги миллӣ раҳнамоӣ мекунад.
- Диданд: 94
Рӯзи умумиҷаҳонии тандурустӣ дар беморхонаи марказии ноҳияи сангвор бо фаро гирифтани шаҳрвандон ба ташхису муоина ва машварати ройгон гузаронида шуд.
Дар доираи таҷлили Рӯзи умумиҷаҳонии тандурустӣ дар Беморхонаи марказии ноҳияи Сангвор чорабинии муҳими тиббӣ баргузор гардид, ки ҳадафи он баланд бардоштани сатҳи огоҳии аҳолӣ оид ба ҳифзи саломатӣ ва пешгирии бемориҳо буд. Ин иқдоми хайриявӣ бо фарогирии васеи сокинони ноҳия ба роҳ монда шуда, шаҳрвандон имконият пайдо карданд, ки аз ташхису муоина ва машварати ройгони мутахассисони соҳа баҳравар гарданд.
Чорабинӣ аз субҳи барвақт оғоз гардида, садҳо нафар сокинони ҷамоатҳои гуногуни ноҳия ба беморхона муроҷиат намуданд. Барои қабули беморон ва хизматрасонии босифат табибони соҳибтаҷриба аз бахшҳои гуногун сафарбар карда шуданд. Аз ҷумла, мутахассисони соҳаҳои терапия, кардиология, педиатрия, эндокринология, ҷарроҳӣ ва дигар самтҳо ба шаҳрвандон хизмат расониданд.
Дар ҷараёни ташхис шаҳрвандон аз муоинаи умумии тиббӣ ройгон гузаронида шуданд. Аз ҷумла, ченкунии фишори хун, ташхиси фаъолияти дил тавассути ЭКГ, таҳлилҳои лабораторӣ – аз қабили таҳлили хун ва пешоб, муайян намудани сатҳи қанди хун ва дигар санҷишҳои зарурӣ ройгон анҷом дода шуданд. Инчунин, барои занон ташхисҳои гинекологӣ ва барои кӯдакон муоинаи педиатрӣ ташкил карда шуд.
Саҳифаи 3 аз 29
.JPG)
1USD
1EUR
1RUB