Диданд: 80

    Масъалаи идора кардани воситаи нақлиёт дар ҳолати мастӣ яке аз масъалаҳои ҷиддӣ ва хавфноки ҷомеа мебошад. Он на танҳо хатар  барои ронанда, балки барои мусофирон ва дигар роҳгузарон низ дошта, ба  одамон  мусибати сахт  меорад.  Дар бисёр кишварҳо, идора кардани воситаи нақлиёт дар ҳолати мастӣ   ҷазоҳои сахти ҷиноятӣ ва маъмурӣ  пешбинӣ мешавад. Дар Тоҷикистон низ ин гуна рафторҳои ѓайри қобили қабул мувофиқи қонун ҷораҷӯӣ карда мешаванд.  Зеро, тавре гуфтем ва ба такрор мегӯем, ки  идора кардани воситаи нақлиёт дар ҳолати мастӣ метавонад садамаҳои марговарро ба вуҷуд биёрад. Инчунин  натиҷаи он ҷароҳат бардоштан ё як умр маъюб мондан, марг ё талафоти молиявӣ  метавонад бошад. Барои пешгирӣ аз садамаҳое, ки  омилашон дар ҳолати  мастӣ идора  кардани нақлиёт аст, қонун ҷазоҳои сахт пешбинӣ мекунанд. Ин ҷазоҳо метавонанд ҷаримаҳои молиявӣ, маҳрум кардани ҳуқуқи ронандагӣ ё ҳатто ҳабсро дар бар гиранд. Ҳадаф аз ҷазоҳо  пешгирии рафторҳои хатарнок ва таъмини амнияти роҳҳо мебошад.

    Мутаассифона, баъзан шахсон ҳаёти дигаронро фикр накарда, дар ҳолати мастӣ худро идора карда наметавонанд, аммо мехоҳанд, нақлиётро идора кунанд. Бо қарори судяи суди ноҳияи Сангвор аз 3.02.2025  шаҳрванд У. Д. В. барои он бо моддаи 223 Кодекси ҳуқуқвайронкунии маъмурии Ҷумҳурии Тоҷикистон гунаҳкор дониста шуда, нисбаташ ҷазо дар намуди ҷаримаи маъмурӣ ба андозаи 300 (сесад) нишондиҳанда барои ҳисобҳо, баробар ба 21ҳазору 600 сомонӣ ба фоидаи давлат бо маҳрум  кардан аз ҳуқуқи идораи воситаҳои нақлиёт ба муҳлати 5 сол таъин карда шуд.

Диданд: 62

- Дар самти ташаккули тафаккури миллӣ ва  маънавиёти солим баъзе аз   аҳли зиёи кишвар чаро бетарафанд?

-Муҳим ва мубрам будани  шинохти ислом  дар вазъияти кунунӣ…

-Хурофоту таассуб заминаи ифротгароӣ, чаро ходимони дин дар ин марвид аз худ дарак намедиҳанд?

    Масъалае, ки имрӯз ҷомеаро нигарон кардааст, зиёдаравӣ, хурофот ва  падидаи таассуб ва таассубгароӣ буда, ки оқибати хатарборе дар қибол дорад.  Имрӯз масъалаи ҳасос ва мубрами дигар ин доман густурдани иедологияҳои бегона аст, ки бархӯрд бо тафаккури ҷавонон дорад.  Ин ва чанд масъалаҳои нигаронкунандаро   Пешвои миллат муҳтарам Эмомалӣ Раҳмон  соли гузашта, дар вохӯрӣ бо фаъолону намояндагони аҳли ҷомеа ва ходимони дин мавриди таҳлил қарор доданд ва то имрӯз низ аз вазъияти мавҷуда изҳори нигаронӣ менамоянд. 

   Падидаҳое, ки ба ҷомеа ва давлату миллатҳо хатар эҷод мекунанд, мавриди таҳлилу баррасии Президенти кишваранд ва Роҳбари давлат пайваста  бо мардум  дар самти ташаккули маънавиёти солим, андешаҳои бикр ва афкори созанда  таъкид месозанд.   Президенти кишвар дар суханрониҳояшон  хеле воқеъбинона таъкид мекунанд, ки  яке аз сабабҳои ҳамон ҳодисаҳои нохуше, ки  соли 90-ум иттифоқ уфтод, аз бетарафии мардум буд.  Ва имрӯз низ ин бетарафиҳо ба мушоҳида мерасад.

Диданд: 63

         «Зоҳирпараситиву исрофкорӣ ва риояи ноогоҳонаи анъана ва расму оинҳои ҳалқиву динӣ дар навбати худ сади роҳи баланд гардидани сатҳи зиндагии аҳолӣ мебошад».

Эмомалӣ Раҳмон

     Дар ҷомеаҳои муосир, маросимҳо ва расму оинҳои миллӣ ва динӣ қисми муҳими фарҳанг ва ҳувияти мардум мебошанд. Вале бисёре аз ин маросимҳо ва расмҳо бо гузашти марҳилаҳо  ба як манбаи хароҷоти ѓайриихтиёрӣ ва зиёдатӣ табдил ёфтаанд, ки метавонанд ба иқтисоди кишвар ва муҳити зист осеб расонанд. Барои ҳалли ин мушкилот, Парлумони кишвар чанд сол қабл Қонунеро таҳия ва рӯи кор овард, ки ин оину расмҳо ба як низоми муайян ва муташаккил ворид шуданд. Аммо, мутаассифона ҳастанд нафароне, ки нисбат ба қонун беэҳтиромӣ зоҳир карда, худнамоиро аз иқтисодиёти хонаводагӣ боло мегузоранд.

      Бояд тазаккур дод, қабули Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», ки бо ташаббуси бевоситаи Асосгузори  сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо таҳрири нав ба вуқӯъ пайваст, воқеан дар таърихи қонунгузории миллии кишвар як падидаи наву бемисл ва хотирмон буда, аз иқдоми навбатии мамлакати тозаистиқлоли  мо дар бунёи ҷомеаи шаҳрвандию давлати ҳуқуқӣ  башорат медиҳад, ки заминаи  онро арзишҳои диннӣ ва миллӣ ташкил медиҳанд. 

      Сокинони мамлакат хуб дарк кардаанд, ки  маҳз риояи қонуни мазкур барои таъмини пурраи рӯзгори ар як хонавода ва тадриҷан расидан ба зиндагии шоистаи мардуми кишвар ёрӣ медиҳад.

  1. ДӮСТӢ МИЁНИ ТОҶИКИСТОНУ ҚИРҒИЗИСТОН ТАЪРИХИ ТӮЛОНӢ ДОРАД
  2. ТЕРРОРИЗМ - ХАТАРИ ОЯНДАСӮЗИ ҶОМЕА