- Диданд: 203
Кишоварзӣ дар ноҳияи Сангвор яке аз шуғлҳои асосии сокинон маҳсуб ёфта, дар таъмини амнияти озуқаворӣ ва рушди иқтисоди маҳаллӣ саҳми арзанда дорад. Мардум бо истифода аз имкониятҳои табиӣ ва иқлимии минтақа ба парвариши зироатҳои ғизоӣ, полезӣ ва чорводорӣ машғуланд.
Аз ҷумла, картошкапарварӣ дар ноҳия мавқеи муҳим дорад. Ҳоҷагиҳои деҳқонӣ дар фасли баҳор ва аввали тобистон корҳои саҳроиро бо маром ба роҳ монда, дар мавзеъҳои мувофиқ кишти картошкаро ба анҷом мерасонанд. Бо мақсади баланд бардоштани ҳосилнокӣ, деҳқонон аз усулҳои муосири агротехникӣ истифода мебаранд.
Айни ҳол, корҳои парвариш ва нигоҳубини зироатҳо ҷараён дошта, кишоварзон аз мусоид омадани ҳаво истифода бурда, ба захирасозии об, мубориза бо ҳашароти зараррасон ва риояи муқаррароти агротехникӣ диққати ҷиддӣ медиҳанд.
Тибқи иттилоъи сардори шуъбаи кишоварзии ноњияи Сангвор М. Ќаландаров, дар ноҳия ва мувофиќи дастури Сарвазири Ҷумҳурии Тоҷикистон аз 12 октябри соли 2024, ки майдони кишти асосии картошкаро барои соли 2025 дар ҳаҷми 800 гектар муайян кардааст, омодагии ҳамаҷониба барои иҷрои ин нақша доранд. Ин майдон аз ҳисоби тамоми шаклҳои хоҷагидорӣ, аз ҷумла хоҷагиҳои деҳқонӣ, хоҷагиҳои калон ва хурд, ҷамоату деҳот ва соҳибкорон таъмин карда мешавад.
Мақсади асосии ин тадбирҳо афзун намудани истеҳсоли картошка дар ноҳияи Сангвор ва таъмин намудани аҳолии ноҳия ва вилоят бо маҳсулоти босифати ғизоӣ мебошад. Ҳамчунин, ин дурнамо саҳми муҳим дар таъмини амнияти озуқавории ноҳия ва рушди иқтисоди маҳаллӣ хоҳад дошт.
Шуъбаи кишоварзии ноҳия бо кӯмаки мутахассисон ва ҷалби сокинон барои татбиқи ин нақша чораҳои амалӣ андешида, ба таъмини агротехника, дастрасии маҳсулоти тухмии босифат ва машваратҳои техникии замонавӣ диққати ҷиддӣ медиҳанд.
Бо таваҷҷуҳ ба дастуру супоришҳои Президенти мамлакат ва Сарвазир, дар соли 2025 кишти картошка дар майдони 800 гектар дар ноҳияи Сангвор амалӣ карда шуда, боиси рушди соҳаи кишоварзӣ ва таъмини пешрафти иқтисоди маҳаллӣ хоҳад гашт.
Аз ҷониби Вазорати кишоварзӣ ва корхонаҳои ёрирасон барои кишти картошка дар соли 2025 дар ноҳияи Сангвор 48 тонна тухми картошка ворид карда шудааст. Ин тухмӣ тибқи тартиби муайян ба хоҷагиҳои деҳқонии ҳудуди ноҳия тақсимоти саривақтӣ ва дуруст шудааст.
- Диданд: 244
Боиси ифтихори мо тоҷикон мебошад, ки имсол 34 солагии Истиқлоли давлатии Ҷумҳурии Тоҷикистонро дар Ватани азизамон бо шаҳомати хоса таҷлил менамоем. Истиқлолият барои мо неъмати бебаҳо ва ниҳоят пурарзишест, ки мо тоҷиконро соҳиби давлати комилҳуқуқ ва сарнавишти хеш намуд ва ҷомеаи мо ҳамчун давлати демократӣ ба раванди умумии таърихи аҳли башар ворид гардид. Ҷумҳурии Тоҷикистон дар тули беш аз 33 соли Истиқлоли комили давлатӣ заминаи давлатдории навини худро гузошта, соҳиби истиқлоли воқеии сиёсӣ шуд ва ҳамчун субъекти комилҳуқуқи байналмилалӣ эътироф мегардад.
Мавриди зикр аст, ки пас аз барҳам хӯрдани Иттиҳоди Шӯравӣ дар ҷумҳурии мо вазъияти ноором ва муташанниҷ ба миён омада буд, ки ниҳоят ба ҷанги шаҳрвандӣ оварда расонд. Барои халқи тоҷик он лаҳзаҳои талхро гузарондан хеле душвор буд. Ҷанги шаҳрвандӣ боиси талафоти зиёди ҷонӣ, моддӣ ва маънавии халқ гардида, давлати аз нав барпогардидаи моро торафт заиф мегардонд. Зарурати беҳтар намудани ҳолати иҷтимоӣ-иқтисодӣ ва сиёсии мамлакат, таъминоти халқ бо озуқаворӣ, ташаккули оромиву осоиштагӣ дар миёни мардум ба вуҷуд омада буд. Ҳаводисҳои изтиробангези он замон водор намуд, ки доир ба таъмини бехатарии милливу давлатӣ, ташкил намудани тинҷиву осудагӣ дар миёни мардум ва барпо намудани сулҳу субот чораҳои зарур андешида шаванд. Новобаста аз он, бо саъю кушиш ва муборизаҳои ҷоннисоронаи қаҳрамонони миллати тоҷик ба соҳибистиқлолӣ, озодӣ, сулҳу осудагӣ, тараққиёти иқтисодӣ-иҷтимоӣ ва сиёсии ҷомеа муваффақ шудем.
- Диданд: 228
Мо, мардуми Тоҷикистон, барои ин ваҳдати миллии деринтизор, ки бо хун ва ашки ҳазорон нафар ба даст омадааст, бояд ҷон фидо кунем. Ин сулҳ ва ваҳдат танҳо як созишномаи сиёсӣ нест, он амонатест муқаддас, ки ба мо аз насли фидокор ва раҳбарии хирадмандонаи Пешвои миллат ба мерос расидааст.
Мо ҳақ надорем, ки ин неъмати бебаҳо, сулҳу субот ва ваҳдати миллиро бо беаҳамиятӣ, нохудогоҳӣ ё таъсири бадхоҳон ба хатар андозем. Ҳар фарди ватанпарвар вазифадор аст, ки ҳушёр бошад, бедор бошад, ва нагузорад, ки ҳар як овораву беватан, ки на дардро ҳис кардааст ва на арзиши ваҳдатро медонад, тинати поки миллии моро заҳролуд созад.
Ваҳдат осон ба даст наомадааст. Аз гиряи модарони шаҳид, аз хоки пурхуни диёр, аз ҷоннисориҳои фарзандони содиқи миллат сохта шудааст. Ва имрӯз нигоҳ доштани он, на танҳо масъулияти давлат, балки рисолати муқаддаси ҳар як тоҷик аст.
Мо бояд насли ҷавонро омӯзонем, ки сулҳро чун гавҳараки чашм нигоҳ доранд. Мо бояд гирди як идея бошем — Тоҷикистони орому обод, муттаҳид ва пурифтихор, то ҳеҷ фарди бегона натавонад миёни мо тухми кина корад.
Сулҳро бо ҷон нигоҳ дорем, ва нагузорем, ки ягон дасти бадхоҳ онро ба ларза оварад. Ваҳдат, ҳаёти мост ва мо омодаем, онро то нафаси охир ҳифз намоем.
Олимзода Абдулло,
муовини раиси ноҳияи Сангвор
- Диданд: 254
Дар гӯши халқи мо ҳанӯз садои он суханони таърихии Президенти ҷавон, Эмомалӣ Раҳмон, садо медиҳад:
«То охирин гурезаро ба Ватан барнагардонам, ман ором намегирам!»
Ин суханон танҳо як шиор набуданд, балки қасам ва ваъдае ба мардум буданд, ки дар он рӯзҳои норӯшани ҷанг ягона шуълаи умед ба ҳисоб мерафтанд. Вақте ки мардум шикаста ва парешон буданд, вақте ки дили модар бо андешаи фарзанди гуреза пора буд, ин садо -ором, вале устувор, дили ҳазорҳоро дубора ба зиндагӣ пайваст.
Садои он суханон дар гӯши миллат монд, чун аз дили инсон баромада буд, на аз минбари сиёсӣ. Ва вақте ҳазорон гуреза дубора ба оғӯши Ватан баргаштанд, вақте ки Тоҷикистон зери парчами сулҳу ваҳдат зиндагии нав оғоз кард, мардум дарк кард: ин ваъда иҷро шуд, бо ҷонфидоӣ, сабр ва меҳри бепоёни ватандорӣ.
Ин сухан рамзи садоқати Пешвои миллат ба халқу кишвар аст. Он ба мо ёд дод, ки раҳбарӣ ба масъулият ва фидокорӣ вобаста аст. Ва имрӯзи осудагии мо, шодии кӯдакони хушлаҳн, рӯшноии осмони пур аз сулҳ, ҳама шоҳиди онанд, ки он ваъда дар амал татбиқ ёфт.
Садои он сухан имрӯз ҳам дар гӯши миллат боқист, чун садои ваҳдат, садои сулҳ, садои умед.
Олимзода Абдулло,
муовини раиси ноҳияи Сангвор
Саҳифаи 12 аз 36
 |
 |
 |
 |
 |
 |
.JPG)
1USD
1EUR
1RUB