- Диданд: 30
Бо мақсади тозаву озода нигоҳ доштани муҳити зист, ободонии ҳудуди биноҳои маъмурӣ, баланд бардоштани маърифати экологии аҳолӣ ва ҷалби ҷавонон ба корҳои ҷамъиятӣ, дар ноҳияи Сангвор бо иштироки волонтёрони назди Бахши кор бо ҷавонон ва варзиши ноҳия ва ҷавонони фаъол шанбегӣ баргузор гардид.
Дар рафти шанбегӣ иштирокчиён дар назди биноҳои маъмурӣ корҳои тозагию ободонӣ анҷом дода, гирду атрофи иншоотро ба тартиб дароварданд. Ҷавонон бо ҳисси баланди масъулиятшиносӣ ва рӯҳияи ватандӯстӣ дар ин иқдоми ҷамъиятӣ иштирок намуда, барои тозаву озода нигоҳ доштани муҳити атроф саҳми худро гузоштанд.
Баргузории чунин чорабиниҳо яке аз роҳҳои муҳими ҷалби ҷавонон ба корҳои ободониву созандагӣ буда, дар таҳкими ҳисси масъулиятшиносӣ, баланд бардоштани фарҳанги истифодаи муҳити зист ва ташаккули муносибати ғамхорона нисбат ба тозагии маҳалли зист аҳамияти муҳим дорад.
Тавре Туйчӣ Нурзода, мудири Бахши кор бо ҷавонон ва варзиши ноҳияи Сангвор, зимни шарҳи ҳадафу аҳамияти баргузории чунин чорабиниҳо иброз дошт, ҷалби ҷавонон ба корҳои ободониву созандагӣ яке аз самтҳои муҳими фаъолияти бахш ба шумор меравад.
Мудири бахш ҳамчунин таъкид намуд, ки баргузории шанбегиҳо барои муттаҳид намудани ҷавонон дар атрофи ҳадафҳои созанда, тарғиби фарҳанги тозагӣ ва таҳкими ҳисси масъулиятшиносии онҳо мусоидат мекунад. Дар ин замина, волонтёрон ҳамчун ҷавонони ташаббускор метавонанд бо иштироки фаъолонаи худ дигар ҳамсолонро низ ба корҳои ҷамъиятӣ ҷалб намоянд.
- Диданд: 45
Конференсияи илмӣ-амалӣ ба муносибати Рӯзи забони давлатии Ҷумҳурии Тоҷикистон
2 октябр дар ноҳияи Сангвор ба муносибати Рӯзи забони давлатии Ҷумҳурии Тоҷикистон дар толори маылисгощи мацомоти иыроияи щокимияти давлатии нощияи Сангвор, бо иштироки васеи кормандони ташкилоту муассисаҳо, намояндагони мақомоти давлатӣ ва фаъолони ҷомеа конференсияи илмӣ-амалӣ баргузор гардид.
Дар конференсия масъалаҳои ҳифз, рушди минбаъда, таҳкими мақоми забони давлатӣ ва риояи меъёрҳои забони адабии тоҷикӣ мавриди баррасӣ қарор гирифтанд.
Зимни суханронӣ Муҳамадизода Муҳамадсолеҳ, муовини якуми раиси ноҳияи Сангвор таъкид намуд, ки забони тоҷикӣ ҳамчун яке аз рукнҳои муҳими давлатдорӣ ва омили асосии ҳифзи ҳувияти миллӣ дар таъриху фарҳанги мардуми тоҷик ҷойгоҳи хосса дорад. Ба гуфтаи ӯ, эҳтиром ба забони давлатӣ танҳо риояи меъёрҳои забонӣ набуда, балки нишонаи эҳтиром ба таърих, фарҳанг ва арзишҳои миллии кишвар мебошад. Аз ин рӯ, ҳар як шаҳрванд, бахусус кормандони ташкилоту муассисаҳои давлатӣ, бояд барои поку беолоиш нигоҳ доштани забони тоҷикӣ ва истифодаи дурусти он дар муоширати расмию корӣ саҳми муносиб гузоранд.
Дар идомаи конференсия Раҳмон Умаров, корманди Ҳизби Халқии Демократии Тоҷикистон дар ноҳияи Сангвор, Муҳаё Раҳимова, корманди Ҷамоати деҳоти Тавилдара, Туйчӣ Нурзода, мудири бахши кор бо ҷавонон ва варзиши ноҳия ва дигар баромадкунандагон андешаҳои худро баён намуданд.
- Диданд: 66
Дар арафаи таҷлили 35-солагии истиқлоли давлатӣ таваҷҷуҳи ҷомеа ба дастовардҳои беназир ва дурнамои кишвар бештар мешавад. Мардум ҳамагӣ дар фикри истиқбол аз 35-умин солгарди истиқлоланду сагони дайдуву дарбадари хокбарсар Муҳамадиқболи Садриддин бо ҳаммаслаконаш дар андешаи туҳмату буҳтону дурӯғпароканиву иғвоандозӣ.
Оре, дар чунин шароит фазои иттилоотӣ фаъолтар мегардад, истиқлолу шукӯҳмандиву намои шуҳрату шони он ба гӯши дӯсту душман мерасад. Дар шабакаҳои иҷтимоӣ, сомонаҳои интернетӣ ва дигар минбарҳои рақамӣ аз шаъну шони Пешвои муаззами миллат муҳтарам Эмомалӣ Раҳмон ва беназиртарин дастоварду рушду такомул сухан меравад. Аммо, сагони гушнаи бестухонмонда ангеза пайдо мекунанд. Вале, ку гӯши гапшунав, бечораҳо чораи дигар надоранд. Агар аз ин аккос монанд, аз дунё мемонанд.
Эй хиёнатпешаҳо! Бояд ба гӯши шумо расонид, ки мавҷудияти андешаи мухолиф дар ҷомеа падидаи ғайриоддӣ нест. Дар ҷомеаи сиёсӣ масъалаи муҳим аст, ки ҳар тараф то кадом андоза барои суханони худ далел меорад, масъулияти иҷтимоӣ нишон медиҳад ва ба манфиатҳои мардум муносибати созанда дорад, оё медонед инро?!
Саҳифаи 3 аз 32



