Диданд: 409

      Дар гӯши халқи мо ҳанӯз садои он суханони таърихии Президенти ҷавон, Эмомалӣ Раҳмон, садо медиҳад:
      «То охирин гурезаро ба Ватан барнагардонам, ман ором намегирам!»

      Ин суханон танҳо як шиор набуданд, балки қасам ва  ваъдае ба мардум буданд,  ки дар он рӯзҳои норӯшани ҷанг ягона шуълаи умед ба ҳисоб мерафтанд. Вақте ки мардум шикаста ва парешон буданд, вақте ки дили модар бо андешаи фарзанди гуреза пора буд,  ин садо -ором, вале устувор, дили ҳазорҳоро дубора ба зиндагӣ пайваст.

      Садои он суханон дар гӯши миллат монд, чун аз дили инсон баромада буд, на аз минбари сиёсӣ. Ва вақте ҳазорон гуреза дубора ба оғӯши Ватан баргаштанд, вақте ки Тоҷикистон зери парчами сулҳу ваҳдат зиндагии нав оғоз кард, мардум дарк кард: ин ваъда иҷро шуд,  бо ҷонфидоӣ, сабр ва меҳри бепоёни ватандорӣ.

     Ин сухан рамзи садоқати Пешвои миллат ба халқу кишвар аст. Он ба мо ёд дод, ки раҳбарӣ  ба масъулият ва фидокорӣ вобаста аст. Ва имрӯзи осудагии мо, шодии кӯдакони хушлаҳн,  рӯшноии осмони пур аз сулҳ, ҳама шоҳиди онанд, ки он ваъда дар амал татбиқ ёфт.

    Садои он сухан имрӯз ҳам дар гӯши миллат боқист, чун садои ваҳдат, садои сулҳ, садои умед.

Олимзода Абдулло,

 муовини раиси ноҳияи Сангвор

Диданд: 385

    Ба ифтихори 80-солагии Рӯзи Ғалаба дар Ҷанги дуюми ҷаҳонии солҳои 1941-1945 дар ноҳияи Сангвор маросими гулчанбаргузорӣ     баргузор гардид.

     Дар маросими гулчанбаргузорӣ роҳбарони ташкилоту муассисаҳо, ҷавонон ва фаъолон иштирок карда, ба поси хотираи афсарону сарбозон ва ҳамаи   онҳое, ки ҷони худро дар Ҷанги дуюми ҷаҳон нисор кардаанд, гулчанбар гузоштанд.
     Бо гузоштани гулчанбар дар ин рӯз хотираи қаҳрамонони халқи тоҷик, руҳи шаҳидони роҳи озодӣ гиромӣ дошта шуд.
 
 
 
 
 
 
 
  

Диданд: 413
   Дар асоси Нақша чорабиниҳои муштараки Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати Мудофиаи кишвар маросими савгандёдкунии наваскарони қисми ҳарбиии 02011 "В"- и дар ноҳияи Сангвор буда дар майдони назди қисми ҳарбии мазкур дар доираи Моҳвораи ҷавонони Тоҷикистон доир гардид.
   Дар маросими мазкур муовини Раиси ноҳия Олимзода Абдулло, мудири бахши кор бо ҷавонон ва варзиши ноҳияи Сангвор Туйчии Нурмахмад иштирок ва суханронӣ намуданд. Ёдрас мешавем, ки дар маросими савгандёдкунӣ 74 нафар наваскарон савганди ҳарбӣ ёд намуданд.
 
 
 
 
  

Диданд: 388
    Бахши кор бо ҷавонон ва варзиши ноҳияи Сангвор дар якҷоягӣ бо бахши кор бо занон ва оила, бахши фарҳанг чорабинии Рӯзи оиларо дар Қасри фарҳанг бо иштироки яке аз оилаҳои намунаи деҳаи Лангари ҷамоати деҳоти Тавилдара Раҷабов Мирзохудои ташкил ва баргузор намуданд.
    Пеш аз оғози чорабинии фарҳангӣ муовини раиси ноҳия Олимзода Абдулло баромад намуда, қайд карданд, ки оила яке аз рукнҳои муҳими ҷомеаву давлат буда, дар шароти мураккаби ҷаҳони муосир асоси воқеии ҳар як давлату миллат мебошад. Дар охир ҳамаи ҳозиринро бар рӯзи оила муборакбод гуфта, барояшон саломатӣ, сарбаландӣ, оилаи устувор ва рӯзгори хуш орзу намуданд.
   Дар фарҷоми чорабинӣ ба ин оилаи мувафақ аз ҷониби мақомоти иҷроияи ҳокимияти давлатии ноҳия бо тӯҳфаҳои хотиравӣ қадрдонӣ гардида, ба як ҷуфт навхонадорон шаҳодатномаи ақди никоҳ ва ба ду нафар навзодон шаҳодатномаи таваллуд супорида шуд.
 
  
 
  
  1. ТАНТАНАҲОИ ИДОНА ҶИҲАТИ ТАҶЛИЛ АЗ ҶАШНИ БАЙНАЛМИЛАЛИИ НАВРӮЗ ДАР ДЕҲАИ ЛОҶУРГИ ҶАМОАТИ ДЕҲОТИ ВАҲДАТИ НОҲИЯИ САНГВОР
  2. Гурӯҳи корӣ бо усули "Мактаб ба мактаб"-и Мақомоти иҷроияи ҳокимияти давлатии ноҳияи Сангвор оид ба масъалаҳои рушди иҷтимоӣ ва робита бо ҷомеа
  3. ТАНТАНАҲОИ ГӮШТИНИ МИЛЛӢ "ГӮШТИНГИРӢ" ДАР ДЕҲАИ ХУРИ ҶАМОАТИ ДЕҲОТИ ВАХИЁИ НОҲИЯИ САНГВОР
  4. НОҲИЯИ САНГВОР