Тибқи нақшаи кории Шӯрои ҷамъиятии Ҷумҳурии Тоҷикистон барои соли 2023, ки аз ҷониби Раиси Шӯрои ҷамъиятии Ҷумҳурии Тоҷикистон Эмомалӣ Раҳмон тасдиқ гардида буд, ҷаласаи сайёри Шӯрои ҷамъиятии Ҷумҳурии Тоҷикистон рӯзи 20.06.2023 дар ноҳияи Сангвор дар толори мақомоти иҷроияи ҳокимияти давлатии ноҳия баргузор гардид. Дар кори Шӯро аъзоёни Шӯрои ҷамъиятии Ҷумҳурии Тоҷикистон ва панҷ ноҳияи минтақаи Рашт (Сангвор, Нуробод, Рашт, Тоҷикобод ва Лахш) ширкат варзида, дар мавзӯи “Нақши занону бонувон дар ташкили ҳаёти сиёсию ҷамъиятии Тоҷикистон” андешаронӣ намуданд.

    Аз ҷумла, дар ҷаласаи сайёри Шӯрои ҷамъиятии Ҷумҳурии Тоҷикистон шахсиятҳои зерин: Азиззода Шуҳрат – мушовири бахши ёрдамчии Президенти Ҷумҳурии Тоҷикистон, Маҳмадизода Нозим – котиби ҳамоҳангсози Шӯрои ҷамъиятӣ,Ғаффорзода Нигорахон – муовини якуми Кумитаи занон ва оилаи назди Ҳукумати Ҷумҳурии Тоҷикистон,Чоршанбезода Сураҷ – муовини раиси Кумитаи кор бо ҷавонон ва варзиши назди Ҳукумати ҷумҳурии Тоҷикистон, Олимзода Абдулло Назрӣ – муовини раиси ноҳияи Сангвор, Муродов Бахтиёр – муовини раиси ноҳияи Рашт, Додарзода Оятулло – муовини раиси ноҳияи  Нуробод, Мансурзода Қодирҷон – муовини раиси ноҳияи Тоҷикобод, Шербекзода Шоҳимардон – муовини раиси ноҳияи Лахш ва аъзоёни Шӯрои ҷамъиятии ноҳияҳои Сангвор, Нуробод, Рашт, Тоҷикобод ва Лахш иштирок намуданд.

    Аъзоёни Шӯрои ҷамъиятии Ҷумҳурии Тоҷикистон дар ин мизи мудаввар тӯли 2 соат баромад намуда, андешаҳои худро оиди мавзӯи пешниҳодшудаю матраҳшуда иброз намуданд. Ҳамзамон баъди маърӯзаҳо аъзоёни Шӯрои ҷамъияти Тоҷикистон аз панҷ ноҳияи минтақа Рашта ба муҳокимаронӣ гузашта андешаю пешниҳодҳои худро ба аъзоёни Шӯрои ҷамъиятии Ҷумҳурии Тоҷикистон баҳри беҳтару хубтар гаштани ҷаласаҳои минбаъда пешниҳод намуданд.

     Ҷаласаи сайёри Шӯрои ҷамъиятии Ҷумҳурии Тоҷикистон корашро дар ноҳияи Сангвор дар рӯҳияи ватандорию хештаншиносӣ ва мақому нақши зан дар ташкили ҳаёти сиёсию ҷамъиятӣ  соати 12: 00 ба анҷом расонид.