Қонуни Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон” ҳамчун санади муҳими ҳуқуқӣ барои танзим ва идораи ҷашнҳо ва маросимҳои иҷтимоӣ қабул гардида, бо мақсади ҳифзи тартиботи ҷамъиятӣ, рушди фарҳанг ва кам кардани хароҷоти барзиёд татбиқ мешавад.

   Ин Қонун бо таъкиди махсус ба муҳити оилавӣ, анъанаҳои миллӣ ва эҳтироми ҳуқуқу манфиатҳои ҳар шахс, ба хотири барпо намудани ҷашнҳои муназзам ва камхарҷ таълиф шудааст. Риояи он кафолат медиҳад, ки ҷашну маросимҳо бо тарзи арзандаву фарҳангӣ баргузор гардида, бе зарари иҷтимоӣ ва иқтисодӣ бошанд.

   Мақомоти давлатӣ, ташкилоту муассисаҳо ва аҳли ҷомеа вазифадоранд, ки дар амалигардонии талаботи Қонун саҳмгузор бошанд. Аз ҷумла, дар ноҳияи Сангвор назорат ва танзими ҷашну маросимҳо комиссия ё гурӯҳи корӣ ба хотири пешгирии исрофкорӣ, беҷо харҷ кардани маблағҳо ва барҳам задани оромии ҷамъиятӣ ба роҳ монда шудааст. Гурӯҳии корӣ ҳамеша, бо саъю талош маъракаҳоро назорати ҷиддӣ мебаранд.

     Риояи Қонуни танзими ҷашну маросим, пеш аз ҳама, барои таъмини ҳуқуқ ва озодии ҳар шахс дар интихоби шаклу миқёси ҷашн, инчунин ҳифзи иқтисоди оила ва ҷомеа аҳамияти калон дорад. Бо татбиқи Қонун ҷашнҳои идона ва маросимҳои суннатӣ дар муҳити муназзаму фарҳангӣ баргузор шуда, фарҳанги миллӣ ва анъанаҳои некро ҳифз менамояд.

Такя ба ақидаҳои нодуруст…

      Таассуб ва хурофот ҳамчун омилҳои номатлуб дар маъракаҳо ва ҷашну маросимҳои ҷамъиятӣ метавонад ба рушди фарҳанги ҷомеа монеъ шаванд. Риоя нашудани марзҳо, сарфу хароҷоти бепоя боиси латма задан ба иқтисоди хонаводагӣ ва маънавӣ мегардад.

    Дар шароити муосир, ки ҷомеа ба тараққӣ ва рушд ниёз дорад, бартараф кардани хурофот ва таассуб заруратест муҳим. Қонуни Ҷумҳурии Тоҷикистон «Дар бораи танзими ҷашну маросим дар Тоҷикистон» боис ба танзими маъракаҳо ва ҷашнҳои миллӣ гашта, ҷиҳати пешгирии чунин зуҳурот чораҳои муассирро роҳандозӣ менамояд.

     Ҳифзи анъанаҳои нек ва суннатҳои миллӣ дар танзими ҷашну маросимҳо бояд бо таваҷҷуҳ ба арзишҳои ҳақиқии фарҳангӣ ва динии мардум сурат гирад, на бо такя ба ақидаҳои хурофотӣ ва эътиқодоти бепоя. Тарғиб ва омӯзиши дурусти фарҳанг ва дин ба ҷомеа кӯмак мекунад, ки мардум аз таъсири таассуб ва хурофот озод шаванд ва ба ҷои он равшанфикрӣ, эҳтиром ба ҳамдигар ва муттаҳидиро интихоб намоянд.

Мақсади Қонун ва аҳамияти он

     Қонуни Ҷумҳурии Тоҷикистон «Дар бораи танзими ҷашну маросим дар Тоҷикистон» бо ҳадафи ҳифзи анъанаҳои миллӣ, арзишҳои фарҳангӣ ва баланд бардоштани сатҳи иҷтимоию иқтисодии шаҳрвандон қабул гардидааст. Ин қонун ҷашну маросимҳоро танзим намуда, барои пешгирӣ аз исрофкорӣ ва сарфу хароҷоти беҳуда равона шудааст. Қонуни танзим ба рушди устувори ҷомеа, ҳифзи муҳити маънавӣ ва эҳтироми суннатҳои мардумӣ мусоидат мекунад.

Муҳтавои риояи Қонун

      Риояи Қонуни танзим маънои онро дорад, ки ҳар шахс бояд аз хароҷоти беш аз ҳадди зарурӣ даст кашад ва маблағҳои худро барои беҳбуди зиндагии оила ва пешрафти фарзандон равона созад. Дар шароити мушкилоти иқтисодӣ ва буҳронҳои ҷаҳонӣ татбиқи қонун аҳамияти бештар касб мекунад. Ин амал на танҳо иқтисодро тақвият мебахшад, балки ба беҳбудии ҷомеа ва суботи иҷтимоӣ низ кумак мерасонад.

Қонунҳои миллии Тоҷикистон, намуна барои кишварҳо

      Тоҷикистон аввалин кишварест, ки бо роҳи қонунгузорӣ идораи ҷашну маросимҳоро ба танзим даровард. Имрӯз таҷрибаи Тоҷикистон барои кишварҳои дигар намуна гардида, татбиқи қонуни танзим миллиардҳо сомонӣ сарфа намудани захираҳо ва беҳбуди сатҳи зиндагии мардумро таъмин кардааст.

Назари Сарвари давлат

       Сарвари давлат муҳтарам Эмомалӣ Раҳмон таъкид кардаанд, ки зоҳирпарастӣ ва хурофотпарастӣ боиси сарфу хароҷоти зиёд ва мушкилоти иҷтимоӣ мегардад. Қонуни танзим барои барқарорсозии тартибот ва ҳифзи анъанаҳои миллӣ қабул шудааст ва ин иқдом ба ҳалли мушкилоти ҳаётан муҳим дар ҷомеа кумак мекунад.

Фаъолияти мақомоти иҷроия ва танзими ҷашну маросим

        Бахши дин ва танзими ҷашну маросим дар мақомоти иҷроияи ҳокимияти давлатии ноҳия ҳамоҳанг бо мутахассисони дин ва ҷамоатҳои деҳот корҳои фаҳмондадиҳӣ ва тарғиботро оид ба татбиқи Қонуни танзим ба роҳ мондаанд. Ин саъю кӯшишҳо барои таъмини риояи қонун ва тартибот дар ҷомеа муҳим мебошанд.

Зарурати эҳтиром ба Қонун дар ҷаҳони муосир

        Дар ҷаҳони муосири мураккаб эҳтиром ба Қонуни танзим ва пешгирии исрофкорӣ яке аз омилҳои асосии рушди устувор ва суботи иҷтимоӣ ба ҳисоб меравад. Танзими ҷашну маросимҳо шароити муносиб барои рушди фарҳанг, ҳифзи анъанаҳои миллӣ ва беҳбудии ҳаёти мардумро фароҳам меорад.

Аббос Маҳмадзода, мудири бахши дин ва танзими

ҷашну маросими мақомоти иҷроияи

ҳокимияти давлатии ноҳияи Сангвор