23 июли соли чорї  дар ноҳияи Сангвор мулоқот ва вохӯрии намояндагони Агентии давлатии молиявӣ ва мубориза бо коррупсия ва масъулони амнияти минтақавии Рашт бо фаъолони ноњияи Сангвор баргузор гардид.

Нозири калон аз минтақаи Рашт Соҳибназарзода Манучеҳр бо маърўзаи таҳлилӣ баромад намуда, оид ба таҳлили хавфҳои коррупсионӣ, роҳ надодан ба амалҳои фасодкорона, пешгирии омилҳои марбут ба он ва ташвиқи донишҳои ҳуқуқӣ дар бораи оқибатҳои манфии коррупсия сухан гуфт.

Аз љумда иброз дошт, ки коррупсия, ин зуҳуроти номатлубест, ки фаъолияти муътадили давлат ва ҷомеаро халалдор намуда, ба рушди иқтисодӣ, устувории сиёсӣ ва эътимоди мардум ба ниҳодҳои давлатӣ зарбаи ҷиддӣ мерасонад. Он ба шаклҳои гуногун, аз қабили ришваситонӣ, сӯиистифода аз ваколатҳои хизматӣ, хешутаборбозӣ ва тақаллуби ҳуҷҷатҳо зоҳир мешавад.

Мубориза бо коррупсия на танҳо вазифаи мақомоти давлатӣ, балки масъулияти ҳар як шаҳрванди кишвар мебошад. Барои пешгирии он зарур аст, ки маърифати ҳуқуқии мардум баланд бардошта шавад, шаффофият дар идораҳо таъмин гардад, ҳамоҳангии байни сохторҳо тақвият ёбад ва ҷомеаи шаҳрвандӣ фаъолона иштирок намояд.

Илова бар ин, намояндаи мақомоти амнияти давлатӣ дар минтақаи Рашт зимни  баромади худ таъкид намуд, ки сохторҳои давлатӣ бояд ба амалҳои коррупсионӣ роҳ надиҳанд ва бо ин васила нагузоранд, ки ин зуҳуроти номатлуб обрӯ ва нуфузи давлатро паст занад. Ӯ зикр кард, ки кормандони ниҳодҳои давлатӣ вазифадоранд бо садоқат, шаффофият ва масъулияти баланд фаъолият намуда, манфиатҳои миллӣ ва эътимоди мардумро ҳифз намоянд. Ба гуфтаи ӯ, танҳо бо ҳамкории зичи сохторҳои дахлдор ва иштироки фаъолонаи ҷомеаи шаҳрвандӣ метавон сатҳи ин падидаро коҳиш дод ва фазои солими хизматиро дар кишвар таъмин кард.

Раиси ноҳия Давлатзода Мањмадшоњ Ѓайрат дар тақвияти андешаҳои гуфташуда изҳор намуд, ки коррупсия як падидаи манфие аст, ки рушди устувори иқтисод, иҷтимоъ ва сиёсатро бозмедорад, ба иҷрои барномаҳои давлатӣ халал мерасонад ва эътимоди мардумро нисбат ба ҳокимият коҳиш медиҳад. Ӯ афзуд, ки барои решакан кардани ин зуҳуроти номатлуб зарур аст, ки ҳам масъулини сохторҳои давлатӣ ва ҳам ҳар як шаҳрванди кишвар бо ҳисси баланди масъулият амал кунанд, қонунгузориро риоя намоянд ва дар пешгирӣ ва ошкорсозии амалҳои коррупсионӣ саҳмгузор бошанд.

Дар охир зикр шуд, ки мақсади асосии вохӯрӣ, ин баланд бардоштани маърифати ҳуқуқӣ ва шуури сиёсӣ, махсусан миёни ҷавонон, ва ҷалби ҷомеа ба мубориза бо ин зуҳурот буд.

Гуфта шуд, ки ҳар қадар корҳои фаҳмондадиҳӣ ва иттилоотӣ дар байни аҳолӣ бештар ба роҳ монда шаванд, ҳамон қадар сатҳи ҷиноятҳои дорои хусусияти коррупсионӣ коҳиш меёбад. Бо мақсади татбиқи Стратегияи муқовимат ба коррупсия дар Ҷумҳурии Тоҷикистон то соли 2030 нақшаи чорабиниҳои дохилиидоравӣ таҳия ва тадбирҳои амалии марбут ба он роҳандозӣ шудаанд.

Дар анҷоми чорабинӣ зикр шуд, ки тибқи нақшаи чорабиниҳои зиддикоррупсионӣ барои солҳои 2022–2030 чунин мулоқотҳо минбаъд низ бо иштироки намояндагони Агентӣ баргузор мегарданд, то таваҷҷуҳи ҷомеаи шаҳрвандӣ ба коҳиш додани ин зуҳуроти номатлуб бештар ҷалб гардад.