Тибқи Нақшаи чорабиниҳои муштараки гурӯҳи корӣ бо усули "Мактаб ба мактаб"-и Мақомоти иҷроияи ҳокимияти давлатии ноҳияи Сангвор оид ба масъалаҳои рушди иҷтимоӣ ва робита бо ҷомеа вохӯрӣ бо омӯзгорон ва хонандагони муассисаи таҳсилоти миёнаи умумии рақами 1 баргузор гардид.

   Ҷаласаро муовини Раиси ноҳия Бафозода Садорат оғоз намуда, аз таваҷҷуҳи роҳбарияти олии мамлакат, хоса Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон ба соҳаи маориф ва дастуру супоришҳое, ки дар Паёми навбатии Президенти Ҷумҳурии Тоҷикистон ба Маҷлиси Олӣ ба соҳа ироа гардид, ёдовар гардиданд. Баъдан баромадкунандагони дигар вобаста ба вазъи иҷрои талаботҳои қонунгузории мамлакат дар самти соҳаи маориф, ҳолати ҳуқуқвайронкунӣ ва ҷиноятсодиркунии ноболиғону ҷавонон дар ноҳия муфассал гузориш дода, аз омилу шароитҳои мусоидаткунанда дар ин самт ва вобаста ба ислоҳу пешгирии он ба роҳбарону масъулини муассисаҳои таълимӣ дастур доданд. Номбурдагон аз иштирокдорон ҷиҳати ҳамкории пайваста бо мақомотҳо ва бахшу шӯъбаҳо, инчунин риояи расму оинҳои неки ахлоқиву миллӣ, ҷоннок гардонидани фаъолияти таълиму тарбия дар муассисаҳои таълимӣ, иҷрои саривақтӣ ва масъулиятшиносонаи вазифа ва уҳдадориҳои хизматӣ ва амсоли инҳо даъват ба амал овард.

      Дар фарҷом аз ҷониби иштирокдорон суолу дархостҳо пешниҳод гашта, аз ҷониби роҳбарияти мақомоти иҷроияи ҳокимияти давлатии ноҳия баррасӣ ва қонеъ гардонида шуд.