Просмотров: 313

ДУШАНБЕ, 01.12.2023 /НИАТ «Ховар»/. 1 декабря  в городе Бустоне Согдийской области Республики Таджикистан состоялась встреча  сопредседателей правительственных делегаций Республики Таджикистана и Кыргызской Республики по делимитации и демаркации таджикско-кыргызской государственной  границы Саймумина Ятимова и Камчыбека Ташиева. Об этом сообщает НИАТ «Ховар» со ссылкой на Государственный комитет национальной безопасности Республики Таджикистан.

Руководители положительно оценили работу правительственных делегаций Республики Таджикистан и Кыргызской Республики по делимитации и демаркации  таджикско-кыргызской государственной  границы.

Стороны отметили необходимость активизации процесса  по завершению описания прохождения проектной линии   таджикско-кыргызской государственной  границы на оставшихся участках.

Встреча прошла в атмосфере дружбы и взаимопонимания.

Просмотров: 261

ДУШАНБЕ, 01.12.2023 /АМИТ «Ховар»/. 1 декабр дар шаҳри Бӯстони вилояти Суғди Ҷумҳурии Тоҷикистон мулоқоти ҳамраисони ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба муайянкунӣ ва аломатгузории сарҳади давлатии Тоҷикистон ва Қирғизистон Саймумин Ятимов ва Қамчибек Ташиев баргузор шуд.  Дар ин хусус АМИТ «Ховар» бо истинод ба Кумитаи давлатии амнияти миллии Ҷумҳурии Тоҷикистон хабар медиҳад.

Роҳбарон кори ҳайатҳои ҳукуматии Ҷумҳурии Тоҷикистон ва Ҷумҳурии Қирғизистонро оид ба муайянкунӣ ва аломатгузории сарҳади давлатии Тоҷикистон ва Қирғизистон мусбат арзёбӣ намуданд.

Ҷонибҳо зарурати фаъол гардонидани раванди ба охир расонидани таъйини гузариши хати сарҳади давлатии Тоҷикистон ва Қирғизистонро дар қитъаҳои боқимонда таъкид намуданд.

Мулоқот дар фазои дӯстӣ ва ҳамдигарфаҳмӣ доир гардид.  

Просмотров: 320

Маркази назарсанҷии "Геллап" (Gallup) Тоҷикистонро дар садри кишварҳои амни ҷаҳон ҷой додааст, ки "сокинонаш ба пулис эътимод доранд ва ҳангоми гаштугузори шабона эҳсоси хатар намекунанд".

Натиҷаи ин назарпурсӣ дар ҳоле нашр мешавад, ки бар асари бераҳмӣ ва бадрафтории полис дар як соли охир дар Тоҷикистон дастикам ду нафар кушта ва даҳҳо тан шиканҷа дидаанд.

Гузориши нави "Геллап" охири моҳи октябр нашр шуд ва хулосаи сокинонро дар бораи боварӣ ба пулис ва эҳсоси хатар ва амнияташон дар 142 кишвари ҷаҳон дар бар мегирад.

Дар ин раддабандӣ ё рейтинг Тоҷикистон бо 96, Финландия ва Исландия бо 92-холӣ дар садри кишварҳои амни ҷаҳон ҷой гирифтаанд.

Муаллифони гузориш мегӯянд, аз ҳазор сокини Тоҷикистон рӯбарӯ пурсидаанд, ки ба пулиси маҳаллӣ эътимод доранд ва аз саёҳати шабона дар кишварашон метарсанд, ё не? Ба хулосаи "Геллап", аксари пурсидашудаҳо гуфтаанд, ки ба пулис эътимод доранд ва ҳангоми гаштугузори шабона хатареро эҳсос намекунанд.

Назарпурсӣ дар 141 кишвар тариқи телефон ё рӯбарӯ сурат гирифтааст. Аз ҳар кишваре ҳудуди ҳазор нафар дар ин назарпурсӣ ширкат кардаанд.

Тақрибан аз 10 нафар 7 нафар ё 71 % дар саросари ҷаҳон гуфтаанд, дар соли 2022 ҳангоми шабона дар маҳалли зисти худ танҳо сайругашт кардан худро амн ҳис кардаанд. 72 дарсад гуфтаанд ба пулиси маҳаллӣ боварӣ доранд. Тақрибан аз ҳашт як нафар гуфтаанд, ки дар соли гузашта амволи онҳо ё аъзои дигари оилаашон дуздида шудааст. Аз 16 нафар як нафар гуфтааст, ки дар соли гузашта мавриди ҳамла ё дуздӣ қарор гирифтааст.

Бори аввал дар чунин як пурсише Тоҷикистон бо гирифтани 96 хол дар ҷои якум ва Либерия бо 49 хол дар зинаи охирин қарор гирифтаанд. Дар чанд соли гузашта ин ду зинаро мутаносибан Сингапур ва Афғонистон ишғол мекарданд.

Просмотров: 359

Ёдгор ДОДИХУДОЕВ, номзади илми филологӣ, муаллими калони кафедраи методикаи таълими забон ва адабиёти тоҷики ДДБЗТ.

(Дар партави андешаҳои профессор С. Ятимов дар мавриди “Эҳёи миллат – бақои давлат”)

Ҷаҳонбинӣ ин маҷмуаи ақоид, боварҳо ва тасаввуроти як мактаби динӣ, фалсафӣ ё сиёсӣ, ки дар бораи падидаҳо, ҷаҳон, инсон ва ҷойгоҳи ӯ дар ҷаҳони ҳастӣ ва ё дар ҷомеа ва дар тақобул бо масоили иҷтимоӣ ироа медиҳад. Ба иборати дигар, ҷаҳонбинӣ як силсилаи эътиқодот ва бинишҳои куллии ҳамоҳанг дар бораи ҷаҳон ва инсон ва ба таври куллӣ дар бораи ҳастӣ мебошад. Зимни баёни мазкур бояд тазаккур дод, ки ҳар инсон аз рӯзи тавлид ёфтан ба дунёи ҳастӣ ниёзҳои заруриеро ба дунёи маънавият ва дунявият пайдо мекунад. Ин қабл аз ҳама одотест, ки шуури инсон ҳанӯз такмил ва рушд наёфтааст, дода мешавад. Сипас, баъди тадриҷан ба камол расидани ақлу шуури инсон, бо диду биниш ва ҷаҳонбинӣ рӯ ба рӯ мешавад. Маҳз ҷаҳонбинист, ки мақом ва мавқеи шахсияти инсонро дар ҷомеа ба куллӣ нишон медиҳад.

Мавқеъёбии инсон дар партави ҷаҳонбинӣ бевосита ба неруи тафаккур ва тааққул сурат мегирад. Худогоҳӣ ва худшиносӣ яке аз меъёрҳои аввалини ҷаҳонбинии моддӣ ва маънавии шахс дар шинохти давлату миллат ва муқаддасоту арзишҳои он маҳсуб меёбад. То даме, ки шахс бо такя ба тафакури солим, таҳқиқи амиқ, тафаҳҳус ва таҷассуси фардӣ дар шинохти хештан ва мақоми худро дар назди худии худ ва миллату давлат гом набардоштааст, ҳеҷ баҳрае аз ҳаёти шоиста наметавон дид. Зеро, мафҳумҳои ҷон, шахс, инсон, одам Ватан, модар, миллат, халқ ва амсоли инҳо дар домони зиндагӣ барои ҳар як инсон зарурӣ ва муҳим мебошанд. Бе онҳо ҳатто зиндагӣ тасаввурнопазир аст. Бинобар ин, онҳоро дар ҳар куҷо ва ҳар маконе, ки бошанд, ба ҷон бояд харид. Аз ин лиҳоз, ба қавли профессор С.Ятимов: «дарки манфиат, аз ҷумла, манофеи миллӣ муҳимтарин вазифаи маорифи саросарии кишвар, воситаи моил намудани омма ба арзишҳои тамаддунӣ, сиёсӣ, иқтисодӣ, иҷтимоӣ, фарҳангӣ, маънавӣ ва ба ин восита пешгирӣ кардани бархӯрди омма бо хатари эҳтимолии фоҷиаи умумимиллӣ мебошад.

Муаллиф возеҳ мегӯяд, ки фосила гирифтан аз арзишҳои миллӣ, саҷда овардан ба хурофот ва фарҳанги бегона ҳамчун натиҷа раванди босуръати рӯз то рӯз ифротишавии ҷомеа, ҷилвагар шудани номи намояндагони миллат дар ҳар кунҷу канори дунё дар алоқамандӣ бо кирдорҳои террористӣ ва экстремистӣ обрӯ ва манзалати миллатро дар назди оламиён шадидан коста мегардонад. Самтгирии наврасону ҷавононро ҷониби ҷодаи шикасти манзалат ва маънавиёти миллӣ меафзояд. Пояҳои давлати миллиро ноустувор месозад. Ояндаи давлатдории миллӣ ва сулҳу суботи кишварро зери суол мебарад. Бинобар ин, вазифа ва масъулияти мо, зиёиён, муаллимон, омӯзгорон дар шароити имрӯз аз он иборат аст, ки бояд ба таври ҳатмӣ барои ғанӣ гардонидани ҷаҳонбинӣ ва маърифатнокии ҷавонон ва низ диду биниши онҳоеро, ки аз таълимоти мактаби бегонагон ва бегонапарастон таъсири манфӣ гирифтааст, саҳм гузорем.

Пеш аз ҳама мафҳуми давлату миллатро ба ҷавонон ба хубӣ тавзеҳ диҳем, арзишҳои милливу муқаддасоти миллатро ба тамоми дурустӣ барои онҳо биомӯзем. Ҳар яки мо шаҳрвандон бояд мазмун ва мафҳуми миллатро бо тамоми ҳастӣ ва арзишҳояш дарк намоем. Зеро то замоне ки маънои халқу миллат надонем, қадри ҳамдигару ҳамсояву ҳамдеҳаву ҳамватанро надонем, ҳеҷ гоҳ ба ҳам сарҷамъ нахоҳем шуд. Миллигаро ва миллатомӯз бояд буд, чуноне ки донишманди олмонӣ Мартин Лютер гуфтааст: «…ягона чизе, ки аз рӯзи тавлид то дами марг тағйирёбанда аст ва абадӣ мемонад, Миллат аст». (иқтибос аз мақолаи «Эҳёи миллат – бақои миллат»-и профессор С.Ятимов).

Масъалаи дигар ин ки, мо зиёиён бояд аз таърихи миллати хеш то ба ҳадди зарурӣ огоҳ бошем, зеро таърих аввалин меъёрест, ки метавон аз он нишонаҳо ва ибратҳои зарурие барои оянда гирифт ва дар зиндагӣ мустафид кард. Чуноне ки профессор С.Ятимов дар мақолааш «Эҳёи миллат - бақоми миллат» аз таърихи давлатдории Аврупо дар мавриди «Давраи Эҳё дар Аврупо» барои хосияти устувор бахшидан ба идораи давлат ва сохти давлатдорӣ ба ҳайси намуна овардааст, мо низ бояд дар пайравӣ ба чунин тарзи интихоби шаклгирии ҳаракат барои расидан ба мақсади ниҳоӣ саҳм гузорем.

Чуноне ки маълум аст, олимону донишмандони Даврони Эҳё аз мардуми ҳушманди замони худ буданд ва масъулияти ба дӯши онҳо гузошташударо хуб эҳсос мекарданд, инқилоби хешро аз ҷодаи илм, маориф, адабиёту санъат, аз «тарҳи нав дарандохтан» дар ҷаҳонбинии мардум оғоз карданд. Ташаббускорони Даврони Эҳё ҳамчунон хуб дарк мекарданд, барои ҷомеае, ки пешрафти иқтисодиёт ва дараҷаи тараққии ҳаёти иҷтимоии он ниёз ба таҳаввулоти инқилобӣ дорад, сохтор, муҳтаво ва сифати ҷаҳонбинии омма нисбат ба механизм ва мантиқи рушди иҷтимоӣ, мебояд дар таносуби пурра бошад.

Ҳамзамон бо ин, эҳёгарон ба хулоса омаданд, ки бидуни сохтани давлати миллӣ, ки манфиатҳои заминии миллат ва давлатро таъмин карда тавонад, ташкили зиндагии шарафмандонаи ҷомеа ғайриимкон аст. Аз ин ҷост, ки Ҳофиз мефармояд: «Фалакро сақф бишкофему тарҳи нав дарандозем», бояд аз таърихи халқиятҳои гузашта таҷриба гирифта, дар оянда барои устувории амнияти ҷомеа, ҳаёти босуботи миллату давлат кушиши зиёдеро ба харҷ дод. Мо, зиёиёни кишвар итминони комил дорем, ки тавассути ҳар гуна ғояи баланду арзишманд, илму дониш, фарҳангу тамаддуни ғание, ки аз гузаштагони мо то ба имрӯз ба мерос мондааст, ҳаматарафа мавриди истифода қарор дода, ватанамонро боз ҳам зебову ободтар хоҳем кард. Инчунин, метавонем бо кӯмаки ҷавонони баору номуси ватанамон марзу буми кишвари азизамонро рушд бибахшем ва дар оянда низ аз халқу давлатамон дар ҳар гуна вазъият пуштибонӣ намоем.